السلام عليكم ..
طبعاً بشكر كل اللي علق هنا ، وأعذروني إني مقدرتش أعلق عليكم واحد واحد ، بس في نفس الوقت حبيت أقلكم إني مش هكمل نشر اليوميات في المدونة ، وده لإن صاحب المدونة ” محمد النقيب ” مش حابب أكمل نشر اليوميات في المدونة .. وهي مدونته في النهاية ، وده حقه طبعاً ، لإنه هو اللي عمل المدونة ، وأنا كنت ضيف فيها ، أتمنى بس مكنتش ضيف ثقيل عليه أو عليكم .. بحب أشكر ” النقيب ” على تعبه معايا ، وإنه خلاني أتواصل معاكم على مدار خمس حلقات ، وكفاية إنه شجعني على نشر اليوميات ، ده طبعاً بجانب ” محمد إبراهيم محروس ” اللي إداني دفعة قوية لتكملة اليوميات أصلاً .. يعني الشكر كله للإسماعيلية من الآخر .. بشكر ناس كثير اتعرفت عليهم هنا ، وإن شاء الله أنا مش هقطع تعليقاتي ومتابعتي ليكم ، لإنكم بجد تستاهلوا المتابعة ..
تحياتي
محمد عادل \ أوسكار
ليه كدا !
طب ايه رأيك تعمل مدونه تبقي بتاعتك, وتنشر فيها زي مانت عايز.
ارجو التعليق من صاحب المدونة و ابداء اسباب رفضه نشر يومياتك يا محمد, و حسب اعتقادى انه مفيش سبب وجيه لكده الا شخصى – و الله أعلم.
فى انتظار التعليق.
ليه كدا بس
الرجاء عدم الكذب يا محمد يا عادل , انا مطلبتش منك انك تبطل نشر فيها , انا كل اللي عملته اني طلعت نفسي منها وقلتلك بالنص الواحد انا مليش دعوة بالمدونة دي مدونتك وانت الوحيد اللي حر فيها وادي كوبي باست من المحادثة عشان تبطل تمثيل
((انا مش من اللي بيخلطوا بين العلاقات الشخصية والشغل , بس اولاً ده مش شغل ده كان شيء انا بعمله عشان خاطر واحد صاحبي , وثانياً انت بتخلط بين الشغل والعلاقات الشخصية زي اللي حصل في RNN كده فهعمل الحكاية دي كده ليك كتحية .. انا كنت بشيل نفسي من مدونتك بالاكونت بتاعك .. دلوقتي انت بس اللي ليك صلاحيات فيها .. انشر بنفسك بقى .. الموضوع مش صعب ابداً ))
اظن مفيش اي حاجه بتقول اني طلبت منك ده ..
اها دلوقتي فهمت .. الموضوع سوء تفاهم جميل جداً واستعجال منك كالعادة ..
كلامي التاني كان على مدونتي الخاصة يا محمد , متدخلش على مدونتي ولو ركزت هتلاقيني قلت متعلقش ومتدخلش تاني .. مقصدش مدونتك , لأنها في الأول وفي الآخر بتاعتك انت , انا مجرد اداة لكن دي فيها روحك وكلامك انت ..
انا مبسحبش الهدايا بتاعتي يا محمد..
تحياتي
محمد عادل \ أوسكار
كالعادة قلت اللي انت عايزه وقلت عليا كلام غلط ومعتذرتش حتى ..
كونك دلوقتي بترفضها عشان لقيت بديل بعد ما مشيت تعيط محمد النقيب قاللي متكتبش فيها ده شيء خاص بيك ..
وربنا يوفقك
عامة يا سيدي العزيز الهدية اتقبلت من زمان وانت نشرت فيها خلاص .. وانا عملتها عشان كنت عايز اعملها
وميرسي على ذوقك
تحياتي
محمد عادل \ أوسكار
لما تمشي تقول اني قلتلك متكتبش هنا وتسوأ سمعتي ده مش غلط ؟ وبعدين بتقول اني بذلك بيها ؟ الله يسامحك .. انا بكل بساطة لما حسيت اني مش فارق معاك قلت اسيبهالك خالص وانت حر فيها , اما اعتذارك فانا مش عايزه خلاص , انا عارفك وهتفضل زي ما انت وهتخسر ناس كتير اوي يا محمد .. للأسف انا مش زعلان منك قد ما انا زعلان عليك ..
ومن كل قلبي ربنا يوفقك .. مهما كان انت في يوم كنت اخ ..وانا مش زيك بتبلى على حد ..
محمد عادل \ أوسكار
ميرسي على ذوقك وتربيتك
وانا مش هقول اكتر من كده
محمد عادل \ أوسكار
بصراحة يامحمد مش عارفة اقول اية بس لالازم اقول ان الموضوع المفروض انة مكنش يمشى بالطريقة دى ومن غير زعل انا شايفة انك غلطان بس مش هقولك دلوقتى لية هقولك بعدين وعموما مش عارفة عندى احساس غريب دلوقتى حسيتة مش عارفة عموما ربنا يوفقك
http://oscar2008.jeeran.com/
تحياتي
محمد عادل \ أوسكار